
إيدك فى إيدنا شارك و ساندنا
بيك و بيا و بغيرنا
الحلم هيبقى حقيقة
و هنقدر نغير الواقع
و نحقق هدفنا
ياللى طليت على صفحتى
و شفت قصتى
مش طالبة منك
أكتر من انك تكون فى صفى
و تقولى واصلى
و تدينى دافع تقولى معاكى
انا معاكى
وراكى و هفضل وراكى
و يوم حلمك هيبقى حقيقة
و اناحلمى بسيط
حلم بنت مصرية
بتحلم تمشى فى الطريق
الكل يشوفها شخص عادى
لا يقولوا شخص ناقص
او شخص محتاج مرافق
انا نفسى امشى فى بلدى وحدى
و اشتغل و ابنى نفسى
بيك و بيا و بغيرنا
الحلم هيبقى حقيقة
و هنقدر نغير الواقع
و نحقق هدفنا
ياللى طليت على صفحتى
و شفت قصتى
مش طالبة منك
أكتر من انك تكون فى صفى
و تقولى واصلى
و تدينى دافع تقولى معاكى
انا معاكى
وراكى و هفضل وراكى
و يوم حلمك هيبقى حقيقة
و اناحلمى بسيط
حلم بنت مصرية
بتحلم تمشى فى الطريق
الكل يشوفها شخص عادى
لا يقولوا شخص ناقص
او شخص محتاج مرافق
انا نفسى امشى فى بلدى وحدى
و اشتغل و ابنى نفسى
بحبك يا بلدى
و بحب كل حاجة فيكى
بحب ليلك و نهارك و ناسك و شوارعك و حواريكى
نفسى اقدم حاجة ليكى
نفسى اكون فخر ليكى
قادرة اكون حاجة
و عايزة اكون حاجة
لكن مش بايدى
واقفين الناس فى طريقى
فيهم اللى شايف انى محتاجة المساعدة
و قالوا ازاى تساعد و هى ناقصة ؟!
و فيهم اللى حزن عليا
و فيهم اللى بصلى بصة شفقة
ياولاد بلدى انا مش ناقصة
و لا محتاجة المساعدة
انا عايزة اخد حقى زيك و زى دية
شعارى انا مش معاق
و لا ناقص
انا شخص كامل بفكرى و عقلى
وحقى هاخدة كامل
لانة ببساطة حقى
شعارى انا مش معاق
و لا ناقص
انا شخص كامل بفكرى و عقلى
وحقى هاخدة كامل
لانة ببساطة حقى
و بكرة الشمس هتشرق على حلمى
و مستحيل الناس هتحرمنى من تحقيق املى
هبة محمد
22 التعليقات:
يا ولاد بلدي الدنيا دي مهما كان فينا او بينا هتقولوا علينا اية
يا بلدي مهما اديتي لينا ظهرك او مكنتيش راضية بينا انتى بلدي و مش هنسيبكي
بحبك يا بلدي انتى انسانة جميلة اوى
و مفيش حاجة هتعطللك ولا حد يبصللك بصة شفقة كلنا فينا الى مكفينا و فية حاجات متخبية محدش بيشوفها
هذه مدونه نبيله ونحن معك دائما ان شاء الله ....الى ان تحققى حلمك ....وسنسعد جدا بتكرار زيارتك لمدونة برنامجنا الذى يعود بعد رمضان ان شاء الله ...وبمشاركتك بالتعليق على ما نكتبه من موضوعات فى المدونه وندعو كل معارفك لزيارة مدونتناوالمشاركه...وكل سنه وانت طيبه وبخير وسعاده
المدونه
http://netonradio.blogspot.com
الله عليكى يا بنت بلدى
ما دام صوتك مرتفع
سيصل الى سماء العالم
وسيتحقق حلمك..،
تحياتى
فى البداية احب اشكركم كلكم و بجد انا عنيا دمعت لما لقيت ردود الفعل دى .. و اشكركم كلكم و اعذرونى انا شفت التعليقات متاخر بس احب اشكر كل واحد باسمة طبعا( عمرو و أنت تسال و شيكو) اشكركم جدا على ردود فعلكم الجميلة دى و اتمنى ان فكرة المونة تنول اعجابكم و تايدونا دائما و تمدونا بافكار جديدة .. و طول ما انتم معانا اكيد هننجح و اكيد هنحقق كل ما نتمناة..
هبة محمد
أنا معنديش كلام أقوله لك يابنيتى غير أنك جميلة بكل الى جواكى وكلامك الحلو وأن شاءالله حأتبعك وحأقول عن مدونتك عندى
السلام عليكم
ازيك ياحبيبتى كل سنه وانتى طيبه رمضان كريم عليكى
ويارب تكونى فى احسن حال
كلماتك جميله قووى ان شاء ربنا يحقق احلامكم ويكرمك خير حبيبتى
بجد سعدت قووى بمرورى لمدونتك الجميله دى وان شاء الله كلنا ايد واحده
كل لحظه وانتى بالف خير
مودتى
ايناس
عاوزه اشكركم كلكم ع تعيقاتكم الحلوه دى بجد رفعت من روحى المعنويه و انا بصراحه مكنتش متوقعه التعليقات الحلوه دى و مكنت متوقعه انها حتلفت النظر بالسرعه دى بجد ادتونى طاقه و جماس و ان شاء الله طول ما انتم معايه حيصبح حلمى و حلمكم حقيقه
ريم يحيى
السلام عليكم
ربنا يوفقكم بجد
ومصر بنحبها حتى لو ظلمتنا
كلنا معاكي يابنت بلدنا وعمر ماحد هايبصلك نظرة شفقة لأن اللي مبدأه كده هوه اللي محتاج شفقة
مدونة رائعة وإن شاء الله أقدر أتابعها على طووووووول
تقبلي مروري
انا عايز اشكر احلام حقيقية
اللى نشرت عن مدونتك
فى مدونتها
بجد انا فخور انى فيه حد زيك فى مصر
انا معرفكيش طبعاً
بس كون انك قادرة تحققى حلمك رغم الظروف
ده شىء لازم احييكى عليه
و كون انك مليئة بروح التفاؤل ديه
اصل فيه ناس للأسف مش عندهم اى اعاقة زى حضرتك
و للأسف حاسين بالإحباط و الحزن
و انا بعتبر نفسى منهم
ربنا يكرمك و ينفع بيكى و يوفقك
و اسف لو كلامى ممكن يكون فيه شىء يضايقك
على فكرة انا ضفت مدونتك ضمن المدونات اللى بتابعها
اشكركم يا جماعة جدا و اتمنى مزيد من تأييدكم لينا خاصة ان احنا مقبلين على مرحلة جديدة تتعلق بالموقع ياريت نلاقى منكم اقتراحات
هبة محمد
كلنا بنقدرك ونحترمك وربنا يحققلك أحلامك
تحياتي وإحترامي
شكرا يا مايكل ليك و انا كمان بهديلك تحياتى و نتمنى تكون صديق لينا فى المدونة
هبة محمد
مبروك المدونة يا جميل
كلامك جميل
استمري وحققي احلامك وميهمكيش حد
السلام عليكم
اولا كل سنة وانت كيبة حبيبتى
معلش متأخرة
بس انت عارفة زحمة المواصلات بقى :) :)
بجد كلامك حلو خالص
و بكرة الشمس هتشرق على حلمى
و مستحيل الناس هتحرمنى من تحقيق املى
يااااااااارب تحققى كل احلامك
تحياتى لكى
اكيد مستنية زيارتك
السلام عليكم ورحمة الله وبركاتة
جزاكى الله خيرا والمسلمين ياهبة
وربنا ينور طريقك ان شاء الله ويكتبللك الخير فى كل خطوة ان شاء الله بتخطيها .... ويثبتك على طاعتة وحسن عبادتة اللهم امين والمسلمين .... ويطهر قلبك كما يطهر الثوب الابيض من الدنس اللهم امين .
السلام عليكم ورحمه الله وبركاته اختى العزيزة الفراشه الحائرة احيك على عزميتك وقوه صبرك وانتى احسن من ناس كتير والحمد لله الاعاقه مش جسد لاء فكر واحيانا قلب ربنا يارب يثبتك ويوفقك الى مايحبه ويرضاه وبتفكيرك وعقلك وحبك لله انت اكبر من اى حد واحسن من اى انسان سليم ليس لديه عقل يارب يوفقك والمسلمين اجمعين اللهم ما امين
فكره المدونه جميله
ربنا يحقق لكم كل احلامكم واهدافكم
شكرا على دعوتك الطيبه لزياره مدونتك الجميله
تحياتى
ربنا يكرمك على تفاؤلك الجميل على الرغم من بعض الاشياء التى تحدث من الاشخاص الذين لا يشعروا بمن حولهم وتأكدى دائما اننا معكي ونساندك حتى ولو كان ذلك بكتابتنا فقط واعلمي انه مادام الله معنا لا نحتاج الى المخلوق فرحمة الله كبيرة وواسعةوقال الله تعالى "يا ايها الذين امنوا لا تقنطوا من رحمة الله"
مدونة جميلة و صاحبتها اجمل ..انا باحييكى على مصبرتك و قوة تحملك وعدم استسلامك ..يسعدنى نكون اصدقاء
عزميه كالحديد
بارك الله فيكيu
إرسال تعليق